إزاي تبيع كورساتك أونلاين من غير فيزا ولا سجل تجاري

أسهل طريقتين من غير أي شركة دفع: أكواد مطبوعة تبيعها في السنتر أو المكتبة والطالب يكتب الكود فيتفتح له الكورس، أو تحويل على إنستاباي أو فودافون كاش والطالب يرفع صورة الإيصال وإنت تدوس «موافق». في الحالتين الفلوس بتوصلك إنت مباشرة، من غير عمولة لينا.

الطريقة الأولى: الأكواد المطبوعة

تطلّع كروت بأكواد من لوحة منصتك وتطبعها أو تنزّلها ملف. كل كود بيفتح المحتوى اللي سعره نفس سعر الكود، ومابيتستعملش غير مرة واحدة. تقدر كمان تحدد عدد المشاهدات لكل كارت. الحروف اللي بتتلخبط في القراية (زي O و0) مش موجودة في الأكواد.

الطريقة التانية: التحويل بإيصال

تكتب رقم المحفظة أو حساب إنستاباي في إعدادات منصتك. الطالب يحوّل، يرفع صورة التحويل، ويستنى. إنت بتشوف الطلب في لوحتك، تقارن بالإيصال، وتدوس «موافق» فيتفتح له الكورس على طول.

الطريقة التالتة: الكارت على حسابك

لو عندك حساب Paymob، تربطه من إعدادات المدفوعات، والطالب يدفع بالكارت أو المحفظة أو بالتقسيط. الفلوس بتنزل في حسابك إنت، والكورس بيتفتح لوحده بعد الدفع.

الطريقةمحتاج إيهالكورس بيتفتح إمتىمناسبة لمين
أكواد مطبوعةولا حاجةأول ما يكتب الكودالسناتر والمكتبات وطلاب المدارس
تحويل بإيصالرقم محفظة أو إنستابايلما توافقالمدرس اللي بادئ لوحده
كارت أونلاينحساب Paymobبعد الدفع على طولاللي عنده طلاب برّه مصر أو مبيعات كتير

أسئلة

بتاخدوا نسبة من مبيعاتي؟
لأ. بتدفع اشتراك المنصة بس، وفلوس الطلاب بتروحلك إنت.
ينفع أعمل خصم لفترة؟
أيوه: خصم على الكورس لحد تاريخ معيّن، وكل طرق الدفع بتحسبه لوحدها — الكود والتحويل والكارت.

جرّب ده بنفسك على منصة باسمك — الفترة التجريبية مجانية بكل المميزات.

ابدأ منصتك

آخر مراجعة: 2026-11-12